2.

A Beryto venimus Sidona, quae ex parte ruit et ipsa adhaeret Libano; homines in ea pessimi. Illic currit fluvius Asclepius et de fonte ubi exsurgit stat .... De Sidonevenimus Saraptam, quae civitas modica christiana nimis est, in qua est cenaculus ille qui factus fuit Eliae, et ipse lectus ibi est, ubi recubuit, et alveus marmoreus, ubi illa vidua infermentavit. In quo loco multa offeruntur; multae virtutes illic fuint. Exeuntes de Sarapta venimus in civitatem Tyrum. Inter Sidona et Tyrum et Saraptam continuo milia septem. Tyrus civitas: homines potentes, vita pessima tantae luxuriae quae dici non potest; gynaecea publica oloserico vel diversis generibus telarum. Et inde venimus Ptolomaida. Civitas honesta, monasteria bona.